O extraordinario sentido da ecolocación

Esta semana continuamos co estudo dos sentidos dos seres vivos e as ventaxas que lles ofrecen para sobrevivir na natureza, isto é, que sentidos son máis útiles para comer, para evitar ser comidos, etc.

Pero sen dúbida unha das cousas que máis nos chamou a atención e que queremos compartir a través do noso blog, é o sentido da ecolocación, é dicir, o sónar que utilizan os morcegos e os golfiños, por exemplo, para detectar a súa comida ("Ñam,ñam!") ou para sortear obstáculos.

Aí vos vai un vídeo no que se explica (vale, está en inglés, pero enténdese ben e é moi divertido). ¡Esperamos que vos guste!!

Cabaliños de alá...

Como nos gustou moito todo lo que fomos aprendendo sobre os cabaliños de mar, decidimos poñernos trala pista do que sen dúbida debe ser o cabaliño máis bonito do mundo: o impresionante Dragón de mar, un cabaliño de mar  das antípodas, xa que vive en augas de Australia. Deixámosvos un vídeo que atopamos para que o coñezades. É fermosísimo, verdade?

¿A que parece un alga? ¡Así éche máis doado escapar dos depredadores! ¡Que listo!

Claro que... ser tan bonito tamén ten o seu lado negativo: moitos (como os da imaxe) son capturados para seren exhibidos en acuarios.  :(

Cabaliños daquí...

Se aínda vos preguntades se é posible que estas curiosas criaturas habiten nas nosas costas, a resposta é: SÍ. 

De feito, as fotos que compartimos pertencen a un exemplar fotografado na ría de Arousa por un biólogo que veu ao noso cole a contalo todo sobre os cabaliños de mar e outros bechos fascinantes que adoita atopar durante as súas inmersións. ¡Que sorte poder velos entre as algas!

¿Sabedes que nalgúns lugares do mundo pescan cabaliños de mar para vendelos como souvenirs? 

¡¡Nós queremos deixar claro que non nos gusta esa opción!! Preferimos saber que poderemos atoparnos con un se algún día nos mergullamos nas súas augas... E se non os vemos non pasa nada, gústanos saber que están aí, movéndose co vaivén das ondas, sendo parte da incríble beleza que agochan as augas das nosas rías.

¡Un pai comprometido!

Esta semana estamos estudando a reprodución nos seres vivos; a un equipo    de clase tocoulle estudar os tipos de fecundación e reprodución nos animais. Pensando no protagonista que dá nome á nosa bitácora, investigamos un pouco e fixemos un descubrimento alucinante: ¡Non vos perdades o vídeo!

  

¿A que non podíades imaxinar que a quien estamos vendo nas imaxes é ao  macho desta especie? ¡¡Pois si!!

Comparte coa femia a incubación dos ovos (dentro do seu corpo) e finalmente é el quen dá a luz á seguinte xeración destes curiosos peixiños...

Neste caso, ademáis, alegrounos saber que os cabaliños nacidos neste acuario da Universidade de Valencia van ser devoltos ao mar, para vivir libres no seu verdadeiro fogar:¡¡parabéns, pequechos!! ¡Que teñades moita sorte!!

Poesía de primavera nos nosos ecosistemas

Esta semana, aproveitando que en ciencias da natureza xa aprendemos cousas sobre os distintos ecosistemas,  o profe de música púxonos un vídeo para celebrar a chegada da primavera: imaxes, música e poesía dan a benvenida a esta estación, deixando ben claro como se viste a naturaleza nos campos, augas y devesas de toda a Península Ibérica en primavera.
¡¡¡¡Esperamos que vos guste tanto coma a nós!!!
http://vimeo.com/65414843

Ciencia e arte

Na unidade didáctica "A ciencia nas nosas vidas" estamos descubrindo fascinantes historias que teñen como protagonista a ciencia: desde os increíbles deseños do xenio Leonardo Da Vinci, que parecían predecir o futuro, pasando pola axuda que a ciencia presta á hora de resolver misterios da historia, da natureza ou do Universo, ata convertila en protagonista dunha nova forma de arte. 
Precisamente de arte e ciencia, ou de como o saber científico pode aproveitarse para crear esculturas fascinantes, trata o seguinte vídeo:
http://youtu.be/352u2qI4ykU


Trátase da obra de Theo Jansen, un artista  que se inspira nas formas animais e na física mecánica para dar "vida" ás súas esculturas.
A verdade é que todo o cole fala deste vídeo, que forma parte da exposición que estamos montando esta semana co gallo do traballo desenvolvido na área de ciencias da natureza. E non che nos extraña nadiña, porque a nós tamén nos pareceu flipante!!
¿Que dicides?

Bioluminiscencia mariña

Na unidade didáctica na que traballamos sobre a luz e o son, logramos descifrar,por fin, o significado do nome do noso colexio: Ardora.

Bueno, en realidade xa o sabiamos, xa nos explicaran que con esta palabra os mariñeiros refírense a un fenómeno denominado bioluminiscencia mariña, pero... ¿que é a bioluminiscencia e por que se produce?

Hoxe, na aula, descubrimos aos responsables deste espectáculo natural: son uns seres diminutos e cando se axitan a causa das ondas ou ben porque chocan cun obstáculo (unha rocha, unha embarcación...), comenzan a producir destellos de luz, semellando ser estreliñas no mar.

Non vos damos máis pistas de momento: xa vos diremos de quen se trata, con "nome e apelidos". Deixámosvos un vídeo no que se ve isto perfectamente: ¡¡Disfrutade das imaxes!!